Ilulissani suliffissat

Unammilligassat. Misigisassat ataatsimoornerlu World of Greenlandimi angallassisartutut atorfimmut ilisarnaataapput. Suliffissamik inuunerup sinnerani eqqaamasassannik ujaasiguit, uatsinni angallassisartutut atorfik qinnutigisariaqarpat.

Atorfimmi tassani Ilulissani angallassisartuuneq aammalu illuaraqarfimmi Igloo Lodge-imi sulineq ataatsimoorput. Taamaalillutit taakkunani marlunni pitsaanerpaanik misigisaqassaatit. 

World of Greenland 2025-imi januaarip qeqqaniit aprilip naggataanut- sivitsorneqarsinnaasumilli ukiuunerani angallassisartunik/ illuaraqarfimmilu sulisussanik marlunnik pissarsiorpoq. Qinnuteqartuni suliffeqarfimmi aasaanera ilanngullugu sulerusussinnaasut salliunneqassapput. Aasaanerani illuaraqarfinni Glacier Lodge Eqi-mi imal. Ilimanaq Lodge-imi sulinissaq, igasuunissaq imal. saqisuunissaq neqeroorutigaagut.

Air Greenland Group-imut ilaavugut, Kalaallinillu pigineqarluta. Tamanna, nunatta takorannersup tikeraanut takutinnissaanut pikkorinnerpaanissatsinnik pisussaaffiliisoq, tulluusimaarutigaarput. Takornariaqarnerup inerisarnissaanut pingaarutilittut inissisimanissaq, nunattalu alutornartup tunniussinnaasaanik takutitsillunilu ingerlatitseqqiisunut pitsanerpaanut ilaanissaq, pisussaaffigaarput.  

Igloo Lodge- nunap timaani km-inik 15-inik ungasissusilimmiittoq ataatsimik illuaraqarpoq arfineq pingasunillu illuikkiaqarluni. Innaallagiaqanngilaq, imermik kuuinnartoqanngilaq mobilimullu attaveqarani.

Igloo Lodge-imi suliassanut ilaapput qamuteralannik angalaneq, kamiit qaasigut aputisiuserluni angalaarneq, qimussinik angalaneq, apummik illuikkiorneq, nalinginnaasumik nerisassiorneq, eqqiaaneq tikeraanillu pikkussineq. Igloo Lodge-imi sulisutut, inunnut arlaqanngitsunut tamaanga unnuiartortunut pikkussisuussaatit, taamaammallu tikeraat misigisaannut pingaaruteqarluinnartuussallutit. Tikeraani amerlaqisuni Igloo Lodge nunatsinnut angalanermi nuannnernerpaajusarmat, pinerit tamaasa pitsaanerpaamik tunniussinissamik uatsinnut pisussaaffiliivoq. Igloo Lodge-imi tikeraanut soqutiginninneq ilorrisimaartitsinerlu qitiupput.

Angallassisartutut Ilulissaniissaatit, isorartunngitsunut pisulluni angallassisartuussallutit, illoqarfimmi angallassisartuussallutit, arsarnernik misigisassarsiortitsisassallutit, qamuteralaat, qulimiguullit assigisaallu atorlugit angallassisassallutit. Biilit atorlugit tikeraanik angallassisoqartassaartaaq, pisiniarfitsinniillu tuniniaaneq misigisassarsiornerillu pillugit siunnersuisoqartassalluni. Angalassisartuuneq nalinginnaasunik suliassaqarfiussaartaaq – taakku tassaasinnaapput illuaraqarfimmut Igloo Lodge-imut pisiniarneq poortuinerlu, assartuineq, nivanneq il.il. Suliassat taakku angallassisartuunermut aamma ilaapput. 

Angallassisartut illuaraqarfimmilu sulisut ilungersunartorsiornerni eqqissillutik iliuuseqarsinnaassuseqarnissaat suliakkiussanullu akisussassuseqarnissaat, World of Greenlandimit kissaatigaarput. Suliffinni tikeraartitsisutut pimoorussisutut soqutiginnittutullu atorsinnaasannik, qanoq pisoqarneranut malussarissuunissat inuttullu piginnaasaqarnissat, naatsorsuutigaarput. Ulluinnarni nikerartuni sulineq; nal. akunnerata siulianiit tullianut qanoq pisoqarnissaata ilisimanngissinnaasarnissaa nuannerissavat, ilaatigut unnukkut sapaatillu ak. naanerini sulisarsinnaanissat piareersimaffigissavat. 

Piginnaasatit:

• Nunatsinneersuuvutit imal. nunatsinnut immikkut atassuteqarlutit.
• Immaqa Campus Kujallermi angallassisartutut ilinniarsimavutit.
• Qamutinik motoorilinnik angallassinissamut allagartaqarputit, biilernerlu sungiusimavat.
• Qamuteralannik ingerlatsineq misilittagaqarfigigukku ajussanngeqaaq.
• Oqaatsinut piginnaaneqarluartuuvutit: Minnerpaamik tuluttut danskisullu- aammali kalaallisut oqaatsit piginnaaneqarfigigukkit ajussanngeqaaq.
• Ammasuuvutit, ilakkuminartuuvutit kiffartuussinerullu suuneranik paasinnilluartuullutit.
• Piumassuseqarputit sapiissuseqarlutillu, sulinissarlu merserinagu.
• Suliassannut akisussaaffeqarneq nalerisimaarnaraat, ajornartorsiutinullu takkukkumaartunut aaqqiissutissanik nassaartarlutit.
• Ikiueqqaarnermut minnerpaamik nal. ak. aqqaneq marluk pikkorissarsimavutit (ukiut marluk sinnernagit pisoqaassusilik) /sulilersinnak pikkorissarnissamut periarfissaqarputit.
• Nalinginnaasumik qasujaatsuuvutit – illuaraqarfimmi Igloo Lodge-imi sulineq nukersornartuuvoq; illuikkiorneq tankinillu petroliumik immiineq ilungersunarsinnaallutik.
• Takornarialerinermi suliffiup assigiinngitsorpassuarnik, nalinginnaasunittaaq suliassaqarfiunera ilisimavat.
• Suleqatinnik ineqateqarnissaq piareersimaffigaat.

Neqeroorutigaagut:

• Suliffeqarfimmi inuusukaami, suliffimmi kajungernartumi immitsinnut paarineq.
• Isumaqatigiissuteqarnikkut akissarsiaqarneq.
• Ilulissani akikitsumik inissaqartitaaneq.
• Københavnimiit imal. nunatsinni mittarfiit arlaanniit Ilulissanut, atorfeqarnerlu naappat uterlugu akeqanngitsumik timmisartukkut angalanissamut bilitsimik pissarsineq.
• Akisussaaffik annertooq ilikkagaqarnissamut piginnaasanillu inerisaanissamut periarfissalik.
• Sulinerup nalaani sunngiffimmilu misigisassat annertuut.

Soqutiginnippit?

Qinnuteqaatit qinnuteqarnermilu immersugassaq immersukkat uunga nassiutikkit:

JOB@WOG.GL

Qinnuteqarfissaq kingulleq: 15.11.2024.
Qinnuteqartunik oqaloqateqarnerit ataavartumik ingerlanneqassapput.